الصفحة الرئيسية   سلطات   سلطة المقالى........

سلطة المقالى




المكونات:

بادنجان مقطع مكعبات صغيرة
بطاطس مقطعة نفس الحجم مكعبات
كوسا مقطعة مكعبات نفس الحجم ايضا (اختيارى )
حمص منقوع ومطبوخ فى الماء لحد ما يستوى او ممكن معلب عادى
خبز عربى مقطع ومقلى
كزبرة خضره للزينة او بقدونس عادى.
الصوص للتغطية:
مايونير
زبادى
ليمون
ثوم
ملح وفلفل اسود
شوية كمون اختيارى بس يعطى طعم حلو جدا
الطريقة:

نقلى كل من البطاطس والبادنجان والكوسا كل واحد بروحة ونصفيهم كويس من الزيت ونخليهم على جنب ممكن ترشى شوية ملح عليهم بس مش كثير وبعدين تجيبى صحن التقديم وتصفيهم طبقات يعنى بطاطس تم بادنجان تم كوسا ثم الحمص اخر شى ( او انك تخلطيهم مع بعض كلهم عادى ) بعدين تخلطى الصوص كويس وتحطيه على الوجه كل ما كان اكثر كان احلى على ذوقك كيف ما تحبى يعنى والتزيين براحتك يعنى تضعى عليها الخبز المقلى والبقدونس والتزيين براحتك حتى بلا تزيين تجى حلوة لان الخبز المقلى والبقدونس يجملها.



او نقدمها بهدا الشكل




وهدا شكلها النهائى